手机版
客服电话:18588879500
秋天嘅从化流溪河森林公园
开心吧 开心吧 2018-11-27 15:43 2567人已阅 景点门票 0人赞过

秋天嘅从化流溪河森林公园

822
月影 (广州) LV.22  
2016-12-18 12:36 5886/12
  • 出发时间/2016-12-17

  • 出行天数/1 天

  • 人物/家庭出游

  • 人均费用/90RMB

路线

今日一早7点几一家人就整装出发到滘口客运站坐车到 从化 客运站。
广从快线601,15分钟一班车,可以网上买票,微信都可以买。大概一个小时就可以到从化客运站,在这里直接转从化客运站——吕田线,在森林公园站下车就可以到达公园门口!老人还可以免票!

从化流溪河森林公园-大门

特产

入门口行几步就到服务中心,特产店有烘干嘅番薯干同豆腐花都唔错。
经历一早嘅坐车转车,去到已经11点几,周边有餐厅,可以解决中午的午饭 ,当然也可以在特产店买紫薯干食,几香口,薯味重,12文一包都用咗好几旧大番薯。豆腐几清甜润喉,食完心中舒畅。

游玩路径

问服务台有冇单车租,或者电瓶车,居然同我讲冇,问点可以行到山顶,又同我讲行无得行山,得栈道可以行同游船。我晕死,噉佢哋网站使鬼写ABCD四条线路出嚟咩。我仲想去高处去睇下成个湖景添,无望只可以行寻常路径。
向石池右边一直顺路行过去就会见到一个向下嘅石梯级,因为涨水嘅缘故所以有一小段浸咗向水入面,用木板搭咗过简单嘅 通道 驳上去浮桥过对岸。依度必须行唔系冇路。游湖嘅上船点就向依度,如果要游湖同上猴岛,可以向携程度买套票,现场买好贵,单游湖要40,加上岛好似系60吧。其实依边主要都有绕湖栈道,如果唔系要去猴岛,向岸边睇嘅景比船上风光要好。(我个人觉得)

绕湖栈道篇

向绕湖栈度漫步,一边吸受新鲜嘅空气,一边感受冬日暧阳,仲一边感受美景,好写意,真系令人心情非常之舒畅。

风景篇

全程冇几棵枫树,红叶都系三三两两唔成堆,亦都睇唔到佢网站上面嘅景致,反正森林公园依边系冇,五指山景区果边就唔知喇。

光影篇

第二条浮桥我哋冇行,睇住个路标揾厕所,向左上行咗上绿道,个牌话1.1公里有厕所,其实呃人,我哋继续绕湖10几分钟先行到驿站嘅厕所。其实行浮桥就系直接过湖最快去到驿站嘅。路牌指示好唔清晰,而且路牌好少。不过错系有错着哪 

因为有风,有啲地方可以明显睇到水流波浪,有啲地方可以听到浪拍打岸边嘅声音,向依过远离繁喧嘅地方 静静噉听住浪声,睇住波浪涟漪嘅湖面,心情都平静落嚟。有时向无处水流交汇处仲可以睇到倒顺流交汇而形成水中翻浪同浪花。可惜一瞬即过,相机嚟唔切去捕捉。而且唔系处处可见得一个地方有,不过我估如果向果度再等或者可以再睇到。

植物篇

向驿站嘅平台有一片花海同走廊可以休息同影相,亦都可以到护栏边睇下风景。
走廊尽头顺栈道同绿道行继续绕湖,而我哋向左手边公路一直向上行去度木屋别墅嘅停车场,果度有棵未生出绿叶嘅樱花树。

樱花树旁有一条向上嘅石梯可行向上个小山陂上面,上面亦都有系畀枯叶铺满嘅石阶,沿路行去,石阶两边绿意满然。本来想行山,但冇山行,所以抱住唔心熄嘅精神,对依条两个人宽嘅石阶进行探索,带住爸爸、妈妈向深处去。

石阶一直向下延伸,尽头系去友好广场方向嘅绿道,即系驿站右边果第路。绿道旁其实仲有一条土路唔知通向边,不过无装备,而且带住两个老人家所以就算喇,唔使佢哋咁辛苦,行翻栈道。 

依阵时n多单车路过。。。。一阵无语,冇得租单车,啲车边度嚟咖!冇得租单车,要啲绿道嚟做咩啊!

围绕友好广场进行第二阶段嘅绕湖行,从对外湖行到去对内湖,依到嘅景色更加之优美,绿树成荫。山风吹埋嚟有啲凉意,体质有啲弱嘅之前除咗衫嘅人最好向度着翻,唔系就好似我噉吹到受凉开始头痛

第二阶段嘅绕湖栈道结束点系未到驿站嘅公路斜陂。出嚟后沿公路一直行落去会见到映霞亭(在修中),沿路都有唔少植物同发,雪梅就见唔到喇,其他一啲未见过又几靓嘅花倒唔少。森林花海啱啱种落花,冇咩睇就冇行过去,估计要到明年1-2月先开花。沿路见到好多玩拓展活动嘅团队,当我哋行翻出去时见到n个旅游团同公司团到。我哋入时先见到一个学校团走同一个 顺德 团入。3点几先一堆人入有啲唔多理解。

依次行程好满意,生日带爸爸妈妈出嚟玩,而且可以满足我老窦出去绝对唔过夜嘅要求。
美中不足系我哋带嘅水唔够(4支水,加起身1升到),我个嘴唇几度干到起皮。同埋我摄亲,头痛。

行程总结

自由行可达, 广州 市市站可以乘坐601快线,广园站、东圃车站等都可以坐车,大概1个钟头多一点点就可以到达从化的市区街口,票价不贵,各个汽车站都可以微信买票, 广州的汽车站有自动售票机, 从化 汽车站得人工售票。需要注意城际车宜家都系用身份证购票,一证一票,所以出门记得带好身份证。 到达从化市区——街口,转乘从化街口到吕田的车,在流溪河森林公园站下车就可以!
流溪河可以玩两日,第一日向森林公园(晚上在从化温泉镇住一晚),第二日去五指山(森林公园隔壁)或者溪头村及千泷沟瀑布(这个需要自驾车)
森林公园线路:
1、从右手机小路一直绕湖栈道行走全程,步行3.5小时左右
2、从右手机小路到码头坐船游玩,上猴岛。
3、从左边公路直入到水木屋别墅停车场(小车可行,也可以坐电瓶车),然后从驿站右边的栈道一起步行,纯友好广场一圈再来,用时大概1小时内可完成。

此文单章来自马蜂窝,地址:http://www.mafengwo.cn/i/6498194.html

本文原作者是广州本地人,用当地的白话写的游记,后续我们做了个别地方,修改和补充了!需要更多的了解和制订行程计划,预订门票、周边酒店、别墅的出租等,可以直接联系:从泉商务旅游,黄先生:13926125828!

相关评论

发表评论

提交 验证码: 昵称:
微信扫一扫,
优惠多多!